బొప్పాయి ఔషధోపయోగాలు

బాలింతలకు పాలు తక్కువ ఉన్నప్పుడు బొప్పాయి పచ్చి కాయలు తీసుకుని పైన ఆకుపచ్చని పెచ్చు మరియు లోపలి గింజలు తీసివేసి సన్నగా తరిగి అందు తెలగపిండి వేసి కూర వండి తినిన బాలింతలకు పాలు వృద్ది అగును.

* వాతపు నొప్పులకు బొప్పాయి ఆకులు మెత్తగా నూరి ఆముదంతో ఉడికించి కట్టిన వాతపు నొప్పులు తగ్గును.

* తామర , గజ్జి ఏర్పడినప్పుడు బొప్పాయి పాలు నేతిలో గాని కొబ్బరినూనెతో కాని కలిపి రాయవలెను. ఉత్త పాలు రాసిన శరీరం పై పొక్కే గుణం ఉండును.

* ఋతువు రాకుండా ఇబ్బంది పడు స్త్రీలు మూసామ్బారంను బొప్పాయి పాలతో నూరి శనగ గింజలంత మాత్రలు చేసి ఉదయం మరియు సాయంత్రం పుచ్చుకొనుచుండిన రుతురక్తం జారీ అగును.

* తేలుకుట్టినప్పుడు బొప్పాయి పాలు కుట్టినచోట వేసిన తేలువిషం విరుగును.

* అజీర్ణ సమస్యతో ఇబ్బంది పడుతున్నప్పుడు దోరగా ఉన్న బొప్పాయి కాయని ఎండించి చూర్ణం చేసి ఆ చూర్ణమును ఆహారం తరువాత నీటితో కలిపి 3 గ్రాముల మోతాదులో తీసుకున్న అనేక రకాలైన అజీర్ణాలు పోవును .

* బోదకాలు వచ్చి కాళ్లు వాపుగా ఉన్నప్పుడు ఆకులు మెత్తగా దంచి పసుపు కలిపి పైన పట్టు వేయుచున్న బోదకాలు త్వరగా తగ్గును.

* కూరలు త్వరగా ఉడుకుటకు పచ్చి బొప్పాయి ముక్కలు కూరలో వేసిన కూర త్వరగా ఉడుకును.

* నోటివెంట గాని , గుండెల్లో నుంచి గాని , ఊపిరితిత్తుల నుంచి గాని రక్తం బయటకి వచ్చు సమయంలో బొప్పాయి పండు తినిపించిన వెంటనే రక్తస్రావం ఆగును.

* కడుపులోని క్రిములకు బొప్పాయి కాయలోని గింజలను ఎండించి చూర్ణం చేసి ఆ చూర్ణంకు మోదుగ విత్తనం చూర్ణం , వాము రసం కలిపి లోపలికి ఇచ్చిన క్రిములు చచ్చును.

* మూలవ్యాధి తో బాధపడే వారు పండు బొప్పాయి తినుచున్న రక్తం కారే మూలవ్యాది తగ్గును.

* పొట్టలో తయారయ్యే అమితవేడిని బొప్పాయి పండు తినటం వలన నివారణ అగును.

* ఎప్పటినుంచో నీళ్ల విరేచనాలతో ఇబ్బంది పడేవారు బొప్పాయి పండును తరచుగా తీసుకోవడం వలన నీళ్ల విరేచనాల సమస్య నుంచి బయటపడవచ్చు .

* వృషణాలు వాపుగా ఉన్నప్పుడు బొప్పాయి ఆకులను కుమ్ములో ఉడికించి మెత్తగా దంచి పైన వేసి కట్టు కడుతున్న వృషణాల వాపును తగ్గించును .

* పేను కొరికిన చోట బొప్పాయి పువ్వు మెత్తగా నలిపి పేను కొరికిన చోట రోజూ రెండుపూటల రుద్దుతున్న వెంట్రుకలు తిరిగి వస్తాయి.

* ముత్ర ద్వారంలో పుండు , మూత్రం బిగుసుకుపోయి బయటకి రాని సమయంలో బొప్పాయి పండు తినిపించిన మూత్రం ధారాళంగా వచ్చును. మూత్రద్వారంలో పుండు నయం అగును. మూత్రనాళంలో వ్రణాలు కూడా కరిగిపోతాయి.

* మలబద్ధకంతో బాధపడేవారు ఉదయాన్నే పండ్లు తోమిన వెంటనే మంచిగా పండిన బొప్పాయి పండును తినుచున్న మలబద్దకం సమస్య పోవును .

* శరీరానికి నీరు పట్టి ఉన్నవారు తరచుగా పచ్చి బొప్పాయి కూర తినుచున్న శరీరంలో వేడి పెరిగి నీరు తగ్గును.

* ముఖం సౌందర్యవంతముగా ఉండవలెనన్న బొప్పాయి ఆకును నీడన ఎండించి చూర్ణము చేసి దానికి సమాన బాగాలు లోద్దుగ చెక్క, మంజిష్ఠ చూర్ణాలు పాలతో కలిపి నూరి ముఖంపై లేపనం చేసి అరగంట తరువాత చన్నీటితో కడిగిన ముఖం కాంతిమంతంగా ఉండును.

* పిప్పి పన్నుతో ఇబ్బంది పడుతున్న బొప్పాయి పాలను పంటి రంద్రములో రెండు చుక్కలు వేసిన పంటినొప్పి తగ్గును.

ఈ బొప్పాయి పచ్చికాయ గర్బవతులు వాడరాదు. ఆలస్యముగా జీర్ణం అగును. ఎక్కువుగా తినిన శరీరంలో కఫవాతాలను పెంచును. చల్లటి శరీరం కలిగిన వారి జబ్బు చేయును . వేరే ఆహారపదార్దాలు తిని కడుపు నిండుగా ఉన్నప్పుడు బొప్పాయి తినిన జ్వరాన్ని తెచ్చును. దీనికి విరుగుళ్లు శొంటి , పిప్పిళ్లు , మిరియాల చూర్ణం .

ఏ వస్తువునైనా అధికమోతాదులో తీసుకున్న శరీరానికి రోగాన్ని కలిగించును. తగిన మోతాదులో తీసుకున్న అమృతం వలే పనిచేయును .

❤️❤️❤️❤️❤️❤️❤️❤️❤️❤️❤️❤️❤️❤️❤️❤️